PR Sreejesh-i Kerala Sports Award agizükogo

Thiruvananthapuram, November 17 (Agencies): Kerala Sports Council (KSC)-i India’er hockey team vice-captain & goalkeeper, PR Sreejesh nem 2014-2015 Lt. Col. G.V. Raja Award agütsüogo.
Kerala Chief Minister, Oommen Chandy-i Kerala asayar nem agütsüba tematiba sempet den külemi, senpet sena lakh 3 tashi Sreejesh nem amoktsü.
Sreejesh-i India kübok Chhattisgarh nung Australia den asayatsü ayongba asaya 3 densemba Test series nung shilem agiba den külemi, Raipur nung ayongba Hockey World League (HWL) Final asaya nunga shilem agitsü renema lir.
“Kü nem Kerala asayartem nem agütsüba tematiba sempet agütsüba atema KSC dang pelaba metetdaktsür. Külem asayartem maneni ajungmesotsüsa ni tarutsü mapang nunga bendanga agüja asayatsü nangzüker,” ta Sreejesh-ia metetdaktsü.