Pradeep-i Sainik School Punglwa semdang

Kohima, Tsüklai/February 25, 2020 (TYO): Major General Pradeep C Nair, AVSM, YSM, Inspector General Assam Rifles (North)-i February 25, 2020 Mongolbarnü Sainik School Punglwa semdanga liasü, ta sangdong ka ajanga metetdaktsü.
General Pradeep, shibai sepia wadang nung ajemokba mapang nungi iba school tajungba achaayanga aser terenlok nung bener aotsü asoshi kanga dang jangrabangra inyaka aruogo, pa tang teinyakdak aliba tesem nungi tangaleni posting maodang pai tatembangbuba asoshi iba school semdanga liasü.
Iba school tonga aruba mapang, school indang Senior Division NCC cadets-i General Officer nem ‘Guard of Honour’ agütsü. Guard of Honour sentong agiba sülen, Principal Gp Capt Prasun Basu-i school nung inyakyimtem aser terenlok mapaten achaayanga inyakbatem General Officer dang rasa ashi.
Kasa anogo nung , General Officer Pradeep, shiba Sainik School, National Defence Academy aser Indian Military Academy indang alumni ka lir, pai Swimming Pool semzüktsü aser iba mapang pai cadets aser staff tem den jembia liasü.