Pradesh Congress Committee -i küm 3 atema nisung 8 aridok

 Kohima, Nov.20 (TYO) : Nagaland nung Congress telok anema inyakba ajanga Nagaland Pradesh Congress Committee (NPCC)-i November 20,2015 anogo nungi küm asem asoshi NPCC züngsem trok den ano Congress züngsem ana dena Congress nungi aridokogo.

Tanü Honibar nü NPCC tir Wb.K.Therie-i metetdaktsüba sangdong ka nung, küm asem atema aridoker NPCC züngsemtemji Supongmeren, Nillo Rengma, Vaprumo Demo, Konngam, Sulanthung, H.Chuba nungertem liasü aser parnok denji külemi Congress züngsem Prasilie Pienyu aser G.K.Rengma na liasü.

Ano, AICC member pezü daka parnok mapa dak yari temerenshi agütsütsü asoshi NPCC-i AICC dangi yokogo. Parnokji K.V.Pusa, Asu Keyho, Joshua Sumi aser Tarie Zeliang nungertem liasü.