Prafulla Mahanta aser par jabaso na yiru

Guwahati, Feb.09 : Assam nung taoba chief minister aser AGP lenir Prafulla Kumar Mahanta aser par jabaso na tanü Mongolbar nü Nagaon district nung Bawejia anasa gari lendong ka ajurua yirua lir.
Iba lendong ya Mongolbar aonung 7:00 ako meta parnok amenba bulletproof gari-i lenmang nung anena aliba truck gari ka dak atsükba ajanga atalok. Iba lendong atalokba mapang parnok gari nungji gari anishisang den Mahanta o par jabaso tanubusang na aser par PSO mena liasü. PSO sangji tejaklen mena aliba agi kanga mejungi yiru saka Mahanta aser par jabaso nabo tera dang yiru. Mahanta-ji tetsüng yiru aser par jabasoji teni yiru ta Nagaon superintendent of police-i metetdaktsü.
Parnok ya Guwahati nungi Nagoan-i aoerba liasü. Parnok ajakji Nagaon nung private mozü ki ka nung anepaludagi.