Praneeth US Open 2 buba round-i iogo

El Monte, July 06 (Agencies): Tawa Canada Open takok marok agizüker, B Sai Praneeth densema, India nunger badminton asayar 6 tashi takok ngua tang tasayadak US Open Grand Prix Gold badminton asayamong 2 buba round-i tanü, Bodbar nü iogo.
Praneeth-i points 21-13 21-12 agi Sweden nunger Henri Hurskainen 1 buba round nung tsükdaktsüba sülen Canada nunger B R Sankeerth den 2 buba round asayatsü lemzükogo.
Tan asayamong nung 5 buba jenjang abener, H S Prannoy-ia points 21-7 21-6 ngua America nunger Calvin Lin tsükdaktsüba sülen Ireland nunger Joshua Magee den 2 buba round nung ajuruteptsü jenjang nguogo.
Külem sensopur, RMV Gurusaidutt-ia points 21-8 21-13 agi America nunger Phillips Jap akokba sülen Japan nunger Kazumasa Sakai den 2 buba round asayatsü.
Ano, Pratul Joshi, Anand Pawarmauled aser Ajay Jayaram nungeri pei 1 buba round asaya koka 2 buba round-i aiba osang angazükogo.