Prangpong amer noksa tangokba atema nisung 4 apu

Dimapur, November 13 (TYO): Apuani kati prangpong amer noksa agiba ka social media nung kanga prokshiba indang ken o dak sendakba nung Dimapur police-i GPRN/NSCN (NK) züngsem ana apu.
Tenaji Ato Sumi aser Mughaho lir aser tenati ceasefire ground rules alema prangpong amshiba atema tai tonglokja apu, ta Addl. Dy. Commissioner of Police/PRO, Dimapur-i metetdaktsü.
Maneni, police-isa iba ken o dak sendakba nung kiyimer ana apu saka bail bond nung tena chiok. Iba dak sendakba ken o ya Diphupar PS nung benoka lir, ta Dimapur police-isa ashi.
Ano, tanga ken o ka nung Dimapur police-i Motsuthung Ngullie ta ser telungpur ka apu.
Public tesem nung prangpong amshiba aser injang khatokba ken o atema November 11 nü pa apu. Pa ket nungi .32 pistol ka den injang 4 bena lia apu, ta Addl. Dy. Commissioner of Police/PRO-isa metetdaktsü.