Prangpong-injang yanglur ka aser shibelener ana apu

Imphal, January 21 (Agencies): Churachandpur district police aser 25 Assam Rifles na sentepa, prangpong yanglur ka aser shibelener tetsür ana apu. Parnok den külemi 9mm pistol 6 aser prangpong yangludang amshiba hadirtem apu. Iba dak alaka ano prangpong yangluba tesem ana makdok.
Osang tejangja kar angazükba sülen Molnom yimdak prangpong aser injang shibelener tetsür ana apu. Tetsürla ana tenüngji; Esther Haokip (22), Chunchun kinungtsü la Phouljang yimtsüng nungi, aser Chongboi Haokip (43), Jamkholal kinungtsü la Molnom yimtsüng nungi lir. Parnok ket nungi 9mm pistol 5, magazine 5 aser injang ka, ta apu.
Prangpong-injang shibelenertemi osang agütsüba dak ajemdaker maneni S Kotlien yimtsüng anasa Zigpitang Reserved Forest nung Ginlalmun (46) apu. Pai prangpong yanglushia ayoker. Pa ket nungi hadori asem, merang arangba asem, süng perepba ana, kotari asem, sü mejepba aser tanga hadirtem den külemi 9mm pistol ka yua lia apu, ta osang ajangasa metetdaktsü.