Prannoy-i Swiss Open takok marok agizüker

Basel, March 20 (Agencies): India nunger HS Prannoy-i final asaya koka Swiss Open Grand Prix Gold badminton asayamong tebur singles shilem indang takok marok tanü, Deobar nü agizükogo.
Tan asayamong nung 13 buba jenjang abensang, Prannoy-i minute 45 nung points 21-18 21-15 ngua Germany nunger Marc Zwiebler final asaya nung tsükdaktsü.
2014 küm Indonesia Open Grand Prix Gold takok marok agizüksang, arishi küm 23 tain Prannoy-i tan agi Grand Prix takok marok tanabuba agizüker lir.
India’er tetsür badminton asayar, Saina Nehwal-i points 11-21 19-21 ngua China tsür, Wang Yihan nem tetsür singles semifinal asaya kokdaktsüba osanga jangjaogo.