Pre Monsoon atema renemshiba senden ayonger

Dimapur, Rongchii/April 10 (TYO): Nagaland Chief Secretary, Temjen Toy-i sangdong ka ajanga Pre Monsoon Preparedness senden April 16 nü 2:00 nungi tenzüka Chief Secretary Conference Hall nung amentsüba sangdongogo.
Iba senden nung public infrastructure; lenmang, apu aser Power supply koma ali iba indang asateptsü aser tzüngluruwa marudang renemshia atatsü atema jembishinütsü. Anungji iba dak sendakba aliba nisung/department ajak dang iba senden nung arua adentsü asoshi paisa mepeshia metetdaktsüogo, ta ketdangser sangdong ka ajanga metetdaktsü.