Preity Zinda-i la kibong akümba osang tejangja metetdaktsüogo

March 6, 2016 : Bollywood actress Preity Zinta-i la temshir, America nunger Gene Goodenough den February 29, 2016 nü kibong akümba osang tejangja metetdaktsüogo.
La Los Angeles nung shinga tanga mashi kibong akümba otsü temai atokba sülen lai iba osang tejangja la indang official social media ajanga metetdaktsü.
“Ni lanur ka ama tang tashito lia aruogo, ajisüaka ni ‘Goodenough’ ajurua joko kibong akümer rongi iogo. Nenok ajaki ni meima salem lemsatepba asoshi kanga pelar. Ni nenok ajak meimer,” ta lai lemsatepa liasü.
Preity ya yaküm January ita aser Valentines Day mapang kibong akümtsü ta olulu kanga adoka liasü ajisüaka lai item osangtem teyazü aser nüburtemi la taküm otsü memeteti jembiba agi lakogo, ta shia liasü.
Ajisüaka tang ‘Kal Ho Naa Ho’ nung shilem agila kibong akümba otsü angashia alima nung alir ajang kanga süngmanger aser actor Kabir Bedi-i la kibong akümba tepela salem lemsatepa liasü.