Preity Zinta 2016 January nung kibong akumtsüa akok

November 23, 2015: Kiyimba mongpu tongogo aser tang tesütiba osang bulua jembitepbaji Bollywood nung tebor ajung actress, Preity Zinta la tedong America nunger Gene den kibong akumtsüa akok.
Osang ajanga angazükba agi, Zinta US-i la tedong Gene Goodenough dangi oa kiyimba sentong atema sentong renemtsü. Tena kiyimba sentong nung kinüngertem aser akang tembartem dang jaoktsü.
Ajisüaka Bollywoodlife.com osang ajangabo, Gene ji Zinta tedong masü, ta shiogo.
“Gene ji Preity tedong masü. Paji tembar tajung ka dang. Preity adianu aser adianu chir na US nung lidar aser lai mapangshia lai parnok semdanger. Anungji la America nung tembar tajung aika lir,” ta Zinta’er medemer kari ashiba osang Bollywoodlife ajanga metetdaktsü.
Ajisüaka Zinta kibong akumtsü renema lir ta osangbo aika lir.