Preity Zinta jail-i oa lar medemer Salman Khan semdang

Mumbai, April 06, 2018 (Agencies): Küm 20 tejakalen mesü (Black buck) khasetba ken o nung aija actor, Salman Khan küm 5 tepoukdak ayutsü atema oabendang agutsüba sülen tanü actress aser par medemer, Preity Zinta-i jail-i oa pa semdangogo.
Preity Zinta ya Salman tembar tajung ka lir aser tanü la tola raborasa ka aser anüng sentsü jean pants semer Jodhpur nung aliba jail semdanga angu.
La den security guards aser police densema liasü.
Tanü Salman’er medemer aser tememer aiakti Salman’er ki semdanga liasü, iba denji külemi social media nunga aria bilemtsüba osang lemsatep.
Mezü khasetba ken o nung Bollywood stars pezü – Saif Ali Khan, Sonali Bendre, Tabu aser Neelam Kothari nunger densema liasü, ajisüaka parnok anema kuli peria mengutetba ajanga parnok bo chiokogo.