Preity Zinta teno Nitin Chauhan pasasa kahseta asü

December 03, 2016 : December 02, 2016 nü Bollywood actress Preity Zinta teno Nitin Chauhan pasasa pistol agi kahseta asü.
Preity aser Nitin Chauhan na ya adianu chijiba masü saka kanga anasatep kinunger lir.
Arishi küm 38 tain, Nitin ya kibong nung tebilemtsü kar agi mapa tatsüka kanga timtema aru. Nitin-i tepila shidi ana tashi züluba police-i pa indang gari aser par ki naprong nung kaka ngua lir.
Pa kinungtsü tena balatsü atema okadak ken o angadangtsü lia züluba shidi nung pai pa kinungtsü aser par anükabangtem aija zülua lir.
Nitin’er anükabangtem anema ken o ka benokogo aser pa kahsetba pistol ji tendangtsü benerogo.