‘Prem Ratan Dhan Payo’ sayar tananü sen crore 31.03 aatet

November 14, 2015: Bollywood nung nüngtugu actor Salman Khan meyong ‘family drama’ film “Prem Ratan Dhan Payo” ajanga box office nung sen kanga junga aadar.
Sayar mezüngnü sen crore 40.35 aateta box office nung sen timtiba aatetba otsü yanglur lia ano tananüa sen crore 31.03 aatetogo.
“Hum Aapke Hain Koun..!” aser “Hum Saath Saath Hai” film tem nung Salman Khan külemi inyaksang director Sooraj Barjatya tena küm 16 sülen külemi inyakba film ya Brihostibarnü saya aser tereprangertem mezüngnü dang nungi tananü shilem 23 agi ang tajemba liasü.
“Prem Ratan Dhan Payo” film sayar anogo ananü kija nung sen crore 71.38 aatetogo, ta sangdong ka ajanga metetdaktsü.
Tang tashi aateta aliba asadangba sülen Honibarnü (November 14) tashi nungbo sen crore 100 dak tema aatettsü imlar, ta trade analyst Taran Adarsh-i ashi.
Prem Ratan Dhan Payo film ya kibong den tesendaktep kanga lir.
Kasa film nung Sonam Kapoor, Anupam Kher, Swara Bhaskar, Armaan Kohli aser Neil Nitin Mukesh nungeria shilem agia lir.