Premier Badminton League: Season pezübuba Mumbai nung tenzüktsü

Luchii/December 21 (Agencies): Premier Badminton League (PBL) season pezübuba ya taoba edition dang nungia tajungba asütsü ta asadangteter, kong Pune 7 Aces densemba ajanga taem 9-i shilem agitsü.
Taruba badminton league asayamung nung linük 17 nungi asayar 90-i shilem agitsü. Item asayar rongnung Olympic medal angur asayar 8 aser top 10 jenjang nung alir asayar 8 densema lir.
Anogo 23 tashi asayatsü aliba asayamung ya Ahmedabad aser Pune densema tesem pungu nung ayonga sayatsü ternemba lir. Iba league nung team 9 – Delhi Dashers, Ahmedabad Smash Masters, Awadhe Warriors, Bengaluru Raptors, Mumbai Rockets, Hyderabad Hunters, Chennai Smashes, North Eastern Warriors aser Pune 7 Aces temi shilem agitsü. Iba asayamung nung senpet sen crore 6 asütsü aser Mumbai tesem nung asayamung mezüng round tenzüka, Hyderabad, Pune, Ahmedabad nung tanüngba round atonga asaya aotsü aser semi-final o final round tem Bengaluru nung asaytsü.