Premier Futsal League: Kochi teloki Mumbai telok akok

Chennai, July 16 (Agencies): Tang India nung mezüngsüa ayonga asayaba Premier Futsal League (PFL) asayamong anogo tanabuba nung Spain nunger Michel Salgado-i aniba Kochi 5 teloki Mumbai 5 telok madak takok ngua tanü, Honibar nü shilem agiogo.
Kochi teloki tanü goal 4-1 agi Mumbai telok madak takok angu.
Tanü asaya mezüngbuba shilem tembang tashi nung telok anapronglai goal ka danga magütsüteti kasa jenjang ngua liasü.
Tesülen, 3 buba quarter asaya nung Mumbai telok lenisang, Ryan Giggs-i Salgado alangdakja penalty menazükba sülen Deives Moraes-i penalty-ji takok ngua metsüa par Kochi telok asoshi 1 buba goal agütsü.
Ajisüaka, Giggs-i pass tajung yanglutsüba ajanga külem Mumbai asayar Angellot-i goal-ji meyiptsütsü maongka angu aser par telok anaprongla kasa jenjang kümdaktsü.
Moraes-i maneni 4 buba quarter asaya nung goal 1 agüja par Kochi telok temaba jenjang nung ajungkettsü aser Salgado-i 4 buba aser takokba goal agüja par Kochi telok nem goal 4-1 agi takok ngudaktsü.

You must be logged in to post a comment Login