Prince-i kensep 33 buba sayatsü

August 08, 2015:Ita asem tetsüngda nung zülua mejema renemba ‘HitNRun’ kensep Jay Z meyong Tidal company ajanga September 7 nü sayatsü, ta Hokolbar nü Rollingstone.com-i metetdaktsüogo.
Iba kensep nung 3rdEyeGirl-i ‘backing band’ ama shilem agia lir aser pa kija ken ‘Hardrocklover’ July ita nung sayaba sülen iba kensep tasenba ya sayatsüba lir.
Purple Rain ken ajanga nüngtugu akümsang, Prince-i iba kensep nung aliba ken ajak, website nungi pila ayutsü ashi, kechiba süra kodang ken tasen kara kara website nung enoktsüdir tajangzük kangabo malir.
“Tidal nung Jay Z aser par telok adenshia aliba den khen ajurutepba sülen shitakba kentener ka meranga inyakba angatetba ni parnok dak ajeteta liasü. Tidal-i onoki akhi ama puraputiba nung kecha mashishiba atema onok sasa ulua bilemer aser parnoki onok yariba asoshi kanga pelar. Iba den külemi tang asenok aliba technology lima ya kanga tekara aser yamaji iba HitNRun kensep ya tenüng daka jaloka anogo 90 nü dang agi renemtsü.
Freddie Gray bilemteta amungba kenten sentong ‘Baltimore Rally 4 Peace’ nunga Prince o Tidal company na külemi inyakogo. Freddie Gray ya police ket nung April, 2015 nung asü aser pa asüba mapang yimti nung telok tululu adenshia ledong agüja liasü.
Prince-i ken yangluba yimya nung Jay Z-i ashiba agi, “Prince ya akhidang nungi kanga tebilemdanger nisung ka lir. Pai onok nem pa mapa inyakdaktsüba asoshi kanga pelar aser pa ken ajanga Tidal nung inyaker nisung aika dak kongshiogo. Onok pelaba kaji HitNRun kensep sayaba mapang onoka yimti nung dang alitsü. Prince aser Tidal na tebilembaji puraputitetba ajak nüburtem den lemsateptsü maongka agütsütsü nüngdaker. Tan Price den külemi iba kensep asoshi inyakba ajanga Tidal nükjidong temai adoka metetdaktsür.