Prince indang ‘Purple Rain’ jacket auction asütsü

Los Angeles, May 25 (Agencies): Kentener, Prince-i 1984 küm pa indang film “Purple Rain” nung asemba sentsü tanak aser temesüng indang jacket taruba ita ayoktsü. Iba film nung Prince-i pa den külemi shilem agir, Apollonia Kotero den motorbike ka nung iba jacket semer adoker.

“Iba ya Prince indang süoshi auction atema aruba rongnung tongtibangba lir. Tongtibang movie ka nungi pai kanga nüngtugu küma shilem agitetba indang tongtibang süoshi ka lir,” ta Calabasas, California nung amenoka aliba auction house, Profiles in History Tir, Joe Maddalena-i ashi.

Iba jacket ayoksang-i ashiba agi, la aianu shiba makeup artist ka lir, lai iba jacket ji ‘Purple Rain’ nung külemi Prince den inyakba sülen lai Prince ket nungi ngua liasü.

June 29 nü kasa auction nung Britney Spears, Katy Perry, Alicia Keys aser Michael Jackson nunger süoshitema auction asütsü.

Maddalena-i ashiba agi, iba show nung “Purple Rain” jacket ji tongtibangba asütsü aser iba jacket ji US sen 6,000 nungi 8,000 dak tema agi yoktettsü imlar.

Tawa Michael Jackson indang “Beat It” jacket US sen 256,000 yong yokzüka liasü.

You must be logged in to post a comment Login