Prince William aser Kate nati India semdanger

Duke and Duchess of Cambridge, Prince William aser pa kinüngtsü, Kate Middleton nati Mumbai nung aliba Taj Mahal Palace Hotel nung kiralongrartemi amakdang asürtem  memorial nung naro toktsüba noksa nung angur. (Mumbai, April 10, 2016).

Mumbai, April 10 (Agencies): Prince William aser Kate Middleton na Deobarnü Mumbai tonga aruogo aser tena Taj Palace Hotel nung anenzük.
Tanü Mumbai atongba sülen William aser Kate nati mezüng Taj Palace Hotel nung 26/11 memorial semdanga asür nem akhüm agütsü.
1911 küm King George V aser Queen Mary nati Mumbai semdangba nüngtem nung Taj Palace Hotel ya Gateway of India anasa yanglu.
Tanü William aser Kate nati Oval Maidan semdang aser idakji Mumbai nung charity telok asem – Magic Bus, Doorstep o India’s Childline nungertemi ayongzükba cricket asaya ka nung shilem agi.
Tanü nikongtsütsü tenati shishilembabaren nung aser Bollywood nung mongin nisung kar den ajurutep.
Hombarnü tena Delhi-i aotsü aser idakji Mahatma Gandhi nüngshilung Raj Ghat semdangtsü aser Prime Minister, Narendra Modi den ajuruteptsü.
Tenatisa Taj Mahal semdangtsü. Prince William tetsü asür Princess Diana-i küm 24 tejaklen Taj Mahal semdanga liasü.
Ano, Duke aser Duchess nati Assam kübok Kaziranga National Park semdangtsü. Prince William aser Kate nati anogo tenetnü atema India aser Bhutan semdangi aru.