Prince William aser Kate nati sangküm India semdangtsü

London, November 13 (Agencies) : Prince William aser Kate Middleton nati sangküm India semdangtsü, ta Kensington Palace-i sangdong ka nung metetdaktsü.

Iba ya shitak asü nungbo Duke aser Duchess of Cambridge nati tan mezüng atema India semdanger asütsü.

Sangküm küm tetenzüklen Kensington Palace-i tena India semdangtsüba osang tejangja metetdaktsü ta sangdong nungsa shia lir.

India Prime Minister Narendra Modi-i anogo asemnü atema London semdangba mapang ka nung aser tanü Queen Elizabeth den ajurutepba mapang ka nung William aser Kate na osang metetdaktsüogo.

India semdangba mapang apuani nati Prince George aser Princess Charlotte nabo anir marutsü ta osang kar ajanga angazüker.

Prince William tebu Prince Charles-i tiben tashi India semdangogo aser tesüsabubaji 2013 küm liasü.

Ano William tetsü Lady Diana-ia 1992 küm India semdangi arua liasü.