Principal Secretary-i state osang agütsü

Dimapur, Rongchii/April 26 (TYO): Principal Secretary, Home, Abhijit Sinha IAS-i April 26 nü tashi nung state kübok temzüng ozüng aser tenüngdakba osettsüt belenshiperaba osang metetdaktsüogo. Osagng ajanga ashiba agi, state mokdanga yua aliba mapang tashimangai senzüsenpongertem mesera Curfew Orders dak sendakba nung aibelenba osang kecha mali.
Wokha, Mokokchung, Longleng aser Kiphire dak alaka distirct ajak nung chiyongtsü, tenüngdakba osettem aser mamatzü ayokba dokantem ajak lapoka lir, ta metetdaktsü.
Maneni Relief Camps pezü nung aayangertem asoshi tejenokdak aser chiyongtsü peria agütsüdar aser tang tashi nung bendanger ayangertem 439 item camp tem nung jenoka lir. Dimapur, Mon, Peren aser Wokha dak alaka anogoshia aayanger aser tenüngdakba nisung 700 tema nem food camp asem ajanga chiyongtsü aser relief agütsüdar, ta metetdaktsüogo.