PRISM-i Mizoram nung tashishitsü maliba sorkar ka akümtsü

Aizawl, Luroi (August) 15 (Agencies): Tawa tasen tentetba People’s Representation for Identity of Status of Mizoram (PRISM) party-i Mizoram nung tashishitsü maketba sorkar ka akümtsü ta metetdaktsü.
Mizoram Assembly election sülen parnoki takok ngura tashishitsü maliba sorkar ka kümtettsü ta PRISM tir Vanlalruata-i ashi.
Party indang tongtipang teinyaktsütem rongnung nübortem dang temeten metetdaktsütsü aser sorkar maparen ochishia aser tashishitsü meketi inyaktsü atema lir, ta pai ashi.
Sorkar indang inyaksangshi ajak tiptema aotsü atema yimjak nung metetdaktsütsü ta Vanlalruata-isa shisem.
Par party-i Mizoram nung taruba assembly election tiptema agidaktsütsü atema mapa inyaktsü ta paisa metetdaktsü.
PRISM indang political party ya mezüngbo ochimashi anema inyakba telok ka liasü aser yashi parnoki Aizawl nung aliba party office nung parnok indang tamaitsü noksa- diamond sayaogo.