Pritam-i Raabta film nung shilem magitsü asoshi lemtetogo

Mumbai, May 16 (Agencies): Ken mejemer Pritam-i Hombarnü pa Bollywood project ‘Raabta’ nung shilem magitsüba osang sangdongogo.
‘Raabta’ film producer temi pai mejemba kensep nung tangar ken ka inoksemtsü tejangraba lemsatepba sülen pai iba telemtetba agi.
“Rabata nung producer temi tang tena aliba ken ka yanglushitsü asoshi tejangraba lemsatepogo, anungji ni iba film nung shilem magitsü lemtetogo aser producer tem dang kü tenüng film credit aser ajungketba sentong nungi agientsü asoshi asüngdangogo. Iba kensep ya kü company Jam 8-i achaayanga renemtsü,” ta Pritam-i ashi.
Iba film ya T-Series company nungi Bhushan Kumar aser Homi Adajania den külemi Dinesh Vijan-i produce asü. Dinesh-isa iba film ya direct asü.
Taoba mapang nung Pritam-i Love Aaj Kal aser Cocktail film nung Vijan den longjemer inyaka liasü.
Raabta film nung Sushant Singh Rajput aser Kriti Sanon nati tongti shilem agir.