Prithvi Shaw ita ti atema asaya nungi nokdang

Luroi/August 7, 2019 (Agencies): Tenokdangba agütsür aliba mozü achiba atema Prithvi Shaw November 15, 2019 tashi masayatsü asoshi tenokdangba agütsüogo. BCCI sangdong ka ajanga ashiba agi, arishi küm 19 tain asayar yagi asaa mesüi tenokdangba agütsür aliba mozü achi, koba cough syrups tem nung kanga bulua angur.
BCCI, sangdong ka ajanga ashiba agi, Shaw-i BCCI anti-doping testing program nung shilem ka ama February ita 22 nü Indor nung Syed Mushtaq Ali Trophy asaya ka mapang urine sample ka agütsüogo.
Pa indang sample tendangba sülen Terbutaline densema aliba ngutet. Terbutaline ya WADA Prohibited List of Substances nung tetoktepba mapang aser iba masüdanga amshitsü memelar.
July 16 nü Shaw BCCI Anti-Doping Rules (ADR) Article 2.1 kübok Anti-Doping Rule Violation (ADRV) dak sendakba nung aitsü. Shaw-i aibelenba nangzükogo saka iba mozü asaa masü saka pa kanga akhetba ajanga ajemtsüsa aküm ta ashi.
Kuli ajak asadangba sülen BCCI-i Shaw-i kuli agütsüba agizük aser iba dak ajemdaker ita ti nokdangtsü asoshi tetemsü ta lemtet.
“Shaw-i pai aibelenba nangzüker asünung BCCI ADR Article 10.10.2 kübok discretion lir anungji sample bendenba anogo nungi tenzüka pa nem tenokdangba agütsüba tenzüktettsü,” ta BCCI sangdong ajangsa metetdaktsü.
Shaw, BCCI ADR Article 10.10.2 dak ajemdaker ano tenokdangba agütsür aliba mapang tatsükabo anunga ali nung pa November 15, 2019 nü tashi masayatettsü, kechiyong pa nem tenokdangba agütsüba ya March 16, 2019 nü nungi tenzüktsü.
Maneni BCCI ADR Article 10.11.2, September 15 ayaterem süiba sülenbo Shaw par state team den training agitettsü mesera club aser BCCI member organization indang facility tem amshitettsü