Priyadarshini Chatterjee-i Miss India World 2016 korang angu

Mumbai, April 10, 2016 : Nüngtugu star aika sentepa aliba sentong nung Shah Rukh Khan-i taküm FBB Femina Miss India World tetoktepba nung takok korang angula, Delhi nungi Priyadarshini Chatterjee-i, tenüng metetdaktsü.
Iba sentong nung film aser fashion industry nungi tongtibang nisung aika arua aden.
Iba takok anguba sülen Miss World 2016 toktepba sentong nung Priyadarshini-i India tenüng nung shilem agitsü.
Yasüng iba sentong nung la sülen tanabuba jenjang nung takok angulaji Bangalore nungi Sushruthi Krishna aser tasembuba jenjang nung takok angulaji Lucknow tsür Pankhuri Gidwani lir.
Shah Rukh-i iba tetoktepba nung takok angurtem tenüng memetetdaktsü tsüngda pai shilem agiba ‘Fan’ film ajungketa liasü aser pa yimya tajung agi tesentepertem kanga peladaktsü.
Iba sentong nung tetendangertemji Sanjay Dutt, Yami Gautam, Arjun Kapoor, Kabir Khan, Amy Jackson, Miss World 2015 Mireia Lalaguna, tennis asayar Sania Mirza, Ekta Kapoor, designer Manish Malhotra aser Shane Peacock nunger liasü.
Iba sentong nung Varun Dhawan, Shahid Kapoor, Tiger Shroff, Jacqueline Fernandez aser rap kentener Badshah nungeria shilem agia liasü.
Final gown round nung tetoktepba nung shilem agirtem ramp nung jajaba mapang Sunidhi Chauhan-i la meyong nüngtugu kentem tenloktsü.
Sentong ketdangertemji film yanglur Karan Johar aser Manish Paul na liasü.
FBB Femina Miss India World tetoktepba nung Anju Modi, Namrata Joshipura aser Falguni & Shane Peacock nungeri design asüba sobutsütem sobua liasü.