Priyanka Chopra ‘Baywatch’ nung shilem agitsü akok

January 12, 2016:Sentong shitak ataloka ao nungbo Priyanka Chopra “Baywatch” nung shilem agitsü akok.

Actress Priyanka Chopra ya dang Hollywood actor Dwaayne Johnson aser Zac Efron nunger den taruba Baywatch nung külemi shilem agitsü asoshi sentong yangludar. Tan tangoktsü aliba Baywatch ya 1990s mapang California lifeguards tem indang otsü dak ajemdaker yangluba lir.

“Baywatch” ya Setth Gordon-i direct asür aser Johnson-i lifeguard ka ama tongti shilem agir. Ano Efron-ia tesüiba mapang Olympic nung takok angur ka ama shilem agidar. Tan series nung parnoki meimba tzüküm kümzüktsü asoshi Johnson aser Efron na mulungjemnü sümongi lungjemer inyakba angutsü.

Priyanka tang “Quantico” tetangokdak lir ajisüaka mapang tera atsüteper Baywatch nung nisung tamajung shilem ka agitsü, ta hollywoodreporter.com osang ajanga metetdaktsü.

Jembiba atalok nungbo Priyanka asoshi Baywatch ya English oshi indang feature nung mezüngsüa shilem agir asütsü.

Lai tang “Quantico” nung shilem agiba ya alima ajak ayimshia oa jembidar aser iba series nung shilem agiba ajanga People Choice Award nungi TV series nung best actress nguogo.