New York, May 18 (Agencies) : American TV network ABC nung tang ajak rongnung nüngtugutibaji Priyanka Chopra lir. May 17 nü New York nung ABC Upfront sentong alidang lai kanga tetshi aser laia shilem tajung ka agi.
Priyanka-i shilem agidang asür kentener Prince nem tetushi agütsü.
ABC indang series Quantico nung Priyanka-i tongti shilem agir aser yashi lai co-star Jake McLaughlin den külemi video ka ajanga shilem agi.
Iba sülen lai Bruno Mars indang Uptown Funk ken nung tsüngsang aser tatem nung asür Prince indang ken tongtiba Kiss nung tsüngsang.
Priyanka den külemi Black-ish nung actor Miles Brown aser The Goldbergs nung actor Troy Gentile natia shilem agi.
April 21, 2016 nü Prince arishi küm 57 nung asü. Twitter nung pa asüba atema mangyimba lemsateper celebrity tem rongnung Priyanka Chopra ka liasü.
Priyanka Chopra-i la atema Hollywood nung mezüngbuba film Baywatch nung shilem agiogo. Lai tongti shilem agiba Quantico series indang mezüngbuba season nung tatembangba series May 16 nü sayuogo.
Priyanka Chopra-i ABC Upfront sentong nung asür Prince nem tetushi agütsü added by nungsang on
View all posts by nungsang →
You must be logged in to post a comment Login