Priyanka Chopra-i asenok ajungmesor: Alia Bhatt

Mumbai, November 30 (Agencies): “Priyanka Chopra ji entrepreneur ka aser la ajanga ni ajungmesor” ta actress Alia Bhatt-i ashi.
Priyanka Chopra-i Marathi film Ventilator produce asüba ama laia regional cinema nung producer ama inyaknür asü masü ta osangbeneri asüngdangdang, Alia-i “ni iba amaji inyaknür” ta langzü.
“Priyanka-i kanga merangba ajanga iba jenjang tongogo aser lai mapa tulu inyaktetogo. La ya entrepreneur ka lir aser lai ni ajungmesor. Ni lai inyakba ama inyaknür saka tangbo acting nungdang temulung agütsünür” ta Alia-isa metetdaktsü.
“Chinese cinema mesüra kechi nung südir süang kü tia tendangnür. Ni ajakji inyakdangnür, saka tang atemabo ni acting nungdang temulung agütsünür” ta laisa shisem.
Tang Alia-i Gauri Shinde-i direct asüba ‘Dear Zindagi’ film nung shilem agidar.
“Actor ka ama ni film ajak nung shilem aginür. Khenkhen ni film tajung angur, saka khenkhenbo balaka tajung majurur” ta Alia-isa ashi.
“Ni senzütsü kanga jangrar aser ni mapa mali dangbo, ni tesem balala repranga senzür aser iba mapang ni kanga angazüker” ta laisa shisem.