Priyanka Chopra-i Baywatch nung shilem agitsü

February 17, 2016: Actress aser kentener, Priyanka Chopra-i Dwayne Johnson-i tongti shilem agiba ‘Baywatch movie ‘ nung nisung tamajunger shilem agitsü.

‘Quantico’ actress Priyanka-i Dwayne Johnson, Zac Efron, Kelly Rohrbach aser Alexandra Daddario nunger den külemi Baywatch movie nung shilem agitsü. Baywatch ya 1990s mapang nungi kanga nüngtugu TV series ka lir, ta Dwayne, The Rock Johnson-i online video ka ajanga sangdong.

“La ya alima nung nüngtugu star rongnung ka lir. Tepor tajung Priyanka Chopra, Baywatch nung shilem agitsü pelashishia jaoker,” ta Johnson-i Instagram nung video ka ajanga lemsatep.

Instagram nungsa pai frame noksa ka nung taoba mapang Miss World, Priyanka tena indang noksa lemsatep.

Priyanka-i American TV show Quantico nung shilem agiba sülen la kanga nüngtugu akum aser lai-a social media ajanga, “Tang nenok ajak tang officially sangdongtsü mapang ka lir! Ibaji Baywatch! Shilem tamajungji ni junga agiteter!!! Nenoki repranga ata ang!” ta ashi.

Alima nüburtemi kanga sapua reprangba TV show Baywatch ya Los Angeles county nung lifeguard temi Los Angeles, California indang tzüyimküm nung lendong ajururtem kümzükba indang lir. Tamalen iba movie nung David Hasselhoff aser Pamela Anderson nungeri tongti shilem agia liasü.

Taruba hopta nungi Priyanka-i iba movie tangok tenzüktsü.