Priyanka Chopra-i Meghan Markel dang ‘icon’ ta ajar

Monupii 04, 2018 (Agencies): Meghan Markel ya Prince Harry den engagement agiba mapang la nüngtugu akümba Priyanka Chopra-i kanga temulung chia pela repranga liasü.
“Meghan dak tajung kechisa atalokogo, iba atema ni kanga pelar. Kechiyong, nüngtugu tetsür rongnung Meghan ya ka asütsü ta ni bilemer aser alima ajak nung tetsürtem atema la ya tashiaitba nüngtugu tetsür ka asütsü, ta bilemer kechiyong lai alima asoshi kanga bilemtsür,” ta Rasemnü, ‘The Rachel Ray Show’ nung Priyanka-i ashi.
The Quantico nung cast züngsem temi ajitetba agi, arishi küm 36 tain Priyanka-i mazüngi mapa inyakaka, lai Meghan den ‘text’ ajanga tesandaktep tajungba ayur.
Rongchii (April) ita ‘Good Morning America’ television show nung Priyanka den jembiba mapang, lai ashiba agi, küm asem tashi medemer süa aruba, Meghan kibong akümba tenüng nung sempet tapet ka agütsütsü atema telemtetba agitsüji kanga tasak lir.