Priyanka Chopra-i Oscars Awards presentation shilem agitsü

February 28, 2016: Taoba mapang Miss World, actress aser kentener, Priyanka Chopra-i taküm Oscar Award sentong nung award ka agütsütsü, aser iba atemaji India-i nüma atanger.
Tang Hollywood nung lai shilem tajung agidar aser Oscar aonungji Priyanka-i kechi komala süoshi ka sobutsü ta la sapurtem kanga yongyaa atadar.
La sapurtemi iba osang yongyaa atadang Priyanka-i, “Ni osang ka shidi. Sentsü (süoshi) temesüng asütsü. Ajisüaka ni jungjunga meshiteter. Alima tesem ajaklen nungi kü dangi yokba süoshi sentsü aika rongnungi ni telemtetba magiteter, ajisüaka tang tashi nungbo ni sentsü temesüng asemtsü bilemdar,” ta ashi.
Oscar Award ya Los Angeles nung Deobar, February 28 ayaterm nung akatsü, saka India nungbo February 29 anepdang 5:30 nungi Star Movies & Star Movies Select HD nung live sayutsü aser aonung 8:30 ako nung highlights sayutsü.