Priyanka Chopra-i Phalke Film Foundation Award agizüktsü

Mumbai, April 10 (Agencies) : Priyanka Chopra nem Dadasaheb Phalke Film Foundation indang ‘Best Actress of the Year’ award agütsütsü.
Priyanka-i tan agi tanabenbuba atema Dadasaheb Phalke Film Foundation angutsü aser mezüngbubaji lai 2011 küm ‘Saath Khoon Maaf’ atema ‘Most Memorable Performance’ sempet angu.
147 buba Dadasaheb Phalke Jayanti nung Dadasaheb Film Foundation-i Priyanka nem ‘Best Actress of the Year’ sempet agütsütsü.
Sanjay Leela Bhansali-i yangluba film ‘Bajirao Mastani’ nung shilem atjung agiba ajiteta la nem iba sempet agütsür.
Iba sentong ya April 24 nü Mumbai nung agitsü. Arishi küm 33 tain Priyanka-i tawa tu Hollywood film project ‘Baywatch’ nung shilem agitsü tenzükogo aser lai yaküm American TV show ‘Quantico’ nung FBI agent ka ama shilem agiba ajanga alima la kanga meteta aküm.