Priyanka Chopra-i Quantico poster sayuogo

Mumbai, July 22 (Agencies) : Bollywood actress Priyanka Chopra-i ‘Quantico’ nung shilem agiba ajanga international TV nung tan mezünguba atema tetsüng ajemokogo. Tawa tu lai lai Twitter nung iba film indang poster sayuogo.
Priyanka-i noksa sayuba den külemi “Quantico atema mapa inyaktsü tenzükogo, saka mezüng iba poster ya sayur. Junger majung?” ta zülua liasü.
ABC indang ‘Quantico’ sentong poster nung Priyanka dak handcuff yoker noksa tangoka lir.
Iba sentong ya FBI nung züngsem telok ka indang lir. Parnok rongnung FBI ketdangser kati US lima nung 9/11 sülen kiralongraba mapa tamajungba inyakba nung shilem agiba atema temulung malemtsü.
‘Quantico’ sentong nung Priyanka-i Alex Parish ama shilem agir. Iba sentong ya September 27 nungi sayu tenzüktsü.
‘Quantico’ nungsa Jake McLaughlin , Josh Hopkins, Aunjanue Ellis, Yasmine Al Massri, Johanna Braddy, Tate Ellington, Graham Rogers aser Rick Cosnett nungertemi shilem agir.