Priyanka Chopra-i Quantico Season 2 atema shilem agir

Mumbai, July 12 (Agencies) : Hollywood film Baywatch aser Quantico Season 1 tembangba sülen Priyanka Chopra-i New York nung Quantico Season 2 nung shilem agitsü tenzükogo.

Priyanka-i cast dinner indang noksa ka sayu aser iba nung la tetsüa dena lir aser iba sülen laisa table reading session nung agiba noksa ka sayuogo.

“Tenzükogo. #Quan2co !! atema table read. Asüng nung yanglu tenzüktsü” ta lai osang lemsatep.

‘Quantico’ nung Priyanka-i Alex Parrish ta ser FBI recruit ka ama shilem agir. Iba sentong nungsa Josh Safran, Johanna Braddy, Yasmine Al Masri aser Aaron Diaz nungertemia FBI recruits ama shilem agir.