Priyanka Chopra-i tang mezüng IIFA nung ken atentsü

Priyanka-ChopraNew Delhi, June 24 (Agencies): Bollywood actress aser International kentener, Priyanka Chopra meimertem atema osang tajung kaji- lai tang mezüng IIFA 2016 nung ken atentsü. IIFA 2016 sentong ya Spain yimtiba, Madrid nung akatsü.

Küm ishika tejaklen ‘Quantico’ actress Priyanka-i will.i.am aser Pitbull na den külemi ken tenogo aser Bollywood nunga ken kar tenogo.

Lai atenba ken, ‘In my City’ ajaga lai international level tashi nunga tetshia liasü.

DNA osang ka ajanga, ‘Bajirao Mastani’ actress Priyankai Madrid nung ken atenba ajanga lokti puadaktsütsü, ta metetdaktsü.

Tang mezüng lai lokti nung ken atentsü, ajisüaka iba sentong nung lai koba ken atentsü’ar tang tashi nungbo osang mejangjar.

You must be logged in to post a comment Login