Priyanka Chopra-i White House Correspondents’ dinner nung adentsü

Los Angeles, April 27 (Agencies) : Bollywood actress Priyanka Chopra-i tan hopta tatemlen White House Correspondents’ dinner nung adentsü ta osang metetdaktsüogo.

Taoba mapang Priyanka-i iba sentong nung asoshi osang tejangja ka memetetdaktsüi liasü, saka lai Twitter nung “Hau ni adentsü” ta metetdaktsü.

Twitter chat nung la sapur kati asüngdangba langzüdang lai iba osang metetdaktsü.

2016 White House Correspondents’ dinner nung Will Smith, kinungtsü Jada Pinkett Smith, Kerry Washington, Shonda Rhimes, aser model Kendall Jenner nunger adentsü.

2016 White House Correspondents’ dinner ya US Tir Barack Obama atema tatembangbuba asütsü. Iba sentong ya Washington Hilton nung agitsü aser comedian Larry Wilmore menden asütsü.