Priyanka Chopra nem Hollywood’s ‘IT Girl’ of 2015 naroküm jaloktsü

New Delhi, August 14 (Agencies) : Nüngtugu Bollywood actress Priyanka Chopra-i American series ‘Quantico’ nung shilem agiba atema People’s Choice Award anguba aser ano international magazines aika indang cover tem nung adokogo.
Arishi küm 34 tain Priyanka-i ano naroküm ka nguogo aser ibaji Hollywood’s ‘It Girl’ tenüng anguba lir. Jennifer Lawrence, Halle Berry, Anne Hathaway, Kristen Stewart aser tangartem den külemi lai iba naroküm nguogo.
Iba naroküm ya küm shia US magazine, Harper’s Bazaar ajanga jaloktsür aser 2015 küm atema ‘It Girl’ ji Priyanka Chopra ta parnoki metetdaktsü.
Iba naroküm atema Priyanka-ia Twitter nung pelaba metetdaktsüogo. “”hollywoods IT girl” kümdaktsüba atema kanga pelar@harpersbazaarus. Tenüng meimer!” ta lai ashi.
Priyanka-i tang American action series ‘Quantico’ tanabuba season atema shilem agir aser ano la Dwayne Johnson aser Zac Efron na den ‘Baywatch Reboot’ film nung shilem agidar.