Priyanka den aniasüngtsü atema Nick Jonas India-i aruogo

Luroi/August 17, 2018: Actress aser kentener, Priyanka Chopra den aniasüngtsü atema Nick Jonas India tonga aruogo. Arishi küm 25 kentener yashi (August 16) nikongdang Mumbai nung aliba Chhatrapati Shivaji International airport tonga aru; pa den tetsü, Denise aser tebu, Kevin Jonas Sr na liasü.
PEOPLE.com osang ajanga ashiba agi, Nick tebu ket nung Tiffany & Co. bag bena liasü. Nick aser Priyanka nati India nung party tuluka agutsütsü imlar, koba ajanga tena kinüngertem tajungba metetteptsü.
Tawa osang ka ajanga, ”Pa aser par kibongi lar kibong ajurutsü atema India-i arutsü,” ta metetdakja liasü. Priyanka’er kinüngertem ajurutsü atema tamalena Nick India-i aruogo.
‘Jumanji: Welcome to the Jungle’ actor, Nick-isa taoba ita par kinünger Rachel Tamburelli kiyimba sentong nung adentsü New Jersey-i anir oa liasü.
Taoba ita Priyanka arishi küm 36 ajungba anogomong amongtsü atema tena London-i ao, aser iba mapang nungi Nick-i la dang kibong akumtsü asüngdanga liasü.