Priyanka-i 2015 asoshi ‘Quantico’ nung shilem agitsüren tembanger

New Delhi, December 19 (Agencies): Nungtugu Bollywood actress & kentener, Priyanka Chopra-i America nung yangluba television series sentong, ‘Quantico’ nung taküm 2015 asoshi tembanga shilem agiogo.
“Ni taküm 2015 küm asoshi ‘Quantico’ nung shilem agitsüren tembanga shilem agiogo,” ta Priyanka-i Twitter ajanga metetdaktsü.
Priyanka-i ‘Quantico’ television sentong nung US sorkar kübok tentetba itangitsü telok, Federal Bureau of Investigation (FBI) züngsem tasen ka, Alex Parrish ama tongti shilem agir.
Ano külen, lai Ranveer Singh aser Deepika Padukone na den külemi tongti shilem agiba film, ‘Bajirao Mastani’ sayanü, yashi Brehostibar nü sen crore 12.8 tashi aazükba osang jangjaogo.