Priyanka Khurana Goyal-i Mrs Earth 2015 korang angu

Kingston, October 21 (Agencies) : India tsür Priyanka Khurana Goyal Mrs. Earth 2015 shimogo.

Taküm February ita Priyanka-i Mrs. India, Queen of Substance 2015 takok angu aser October 18, 2015 nikongtsütsü Mrs. Earth 2015 korang takok angu.

Iba sentong ya Grand Palladium Jamaica Resort & Spa nung agi aser linük 20 nungi shilem agi.

Iba tetoktepba atema tetendangertemi tobur, tekolok aser parnoki lokti atema mapa inyakbatem nung ajemdaker takoker shim.

“India rongnung mezüng Mrs. Earth takok anguba atema ni kanga pelar. Kü kinungbo Amulya-i ni teti pusema nungitba atema kanga pelar” ta Priyanka-i ashi.

“Ni iba sabang ajanga alima aser tanü-asüng lokti indang tebilemtsütem atema social awareness mapa inyaktsü” ta laisa shisem.

Priyanka-isa lar tanur, kibong, Top Spin nungi Baqar Naseer, MIQS nungi Ritika Vinay, Tiara nungi Ritika Ramtri, la süoshi designer tem – Pooja Jagasia, Seema Mehta aser Ram Kasture, Huestrom Designs nungi Nilesh Bhagwat aser creative photography partner Vijay Kabra aser par telok dang pelaba metetdaktsü.