Priyanka Oscar sentong nung adentsü atema LA-i ogo

Mumbai, February 27, 2016 : Deobarnü akatsü aliba, 88buba Academy Awards sentong nung sempet agütsütsü asoshi Bollywood star Priyanka Chopra Montreal nungi Los Angeles-i apusogo.
“Anü repranger….LA-i aoer….talangka ayimtsü! Oscar nung adentsü,” ta noksa ka dena Priyanka-i la meyong social media tapaktem nung lemsatepogo.
2000 küm Miss World takok angula ya America nunger TV show “Quantico” nung shilem tagidak lir aser Oscar nunga sempet agütsür ka asütsü asoshi Julianne Moore, Reese Witherspoon aser Whoopi Goldberg nunger den la-a shimteta lir.
La iba sentong asoshi kanga renemshia ataogo aser la “Baywatch” movie nung shilem agitsü ta angashiba sülen tan oscar nung la kechi koma sobur arutsü, ta nüburtem teyongyaba tulu nung atatepdar,
Takümbo India nungi Oscars atema tenüng ka danga benoka mali.