Pro-Kabaddi League: Panthers teloki Bengaluru Bulls akok

Bengaluru, July 14 (Agencies): Jaipur Pink Panthers teloki points 24-22 agi Bengaluru Bulls telok madak takok ngua tang tasayadak 4 buba Pro-Kabaddi League asayamong asaya yashi, Bodbar nü akokba osang jangjaogo.
Captain Jasvir Singh-i amakba point 5 aser Rajesh Narwal-i bonus point 1 aser amakba point 3 ajangzükba ajanga par Panthers teloki yashi asaya akoktsüsa jenjang tajung angu.
Tan tamakok anguba sülen Bulls teloki asaya 9 nung ajak agi points 21 ajangzüka tan asayamong nung shilem agir telok tarensen nung tang 6 buba jenjang ngua lir.
Panthers telokia ajak agi points 30 ajangzüka asayar telok tarensen nung tang temaba jenjang nung lir.
Yashi asaya nung points 9-15 agi tajemba angur Bulls teloki asaya tanabuba shilem nung temulung ulua asayatsü tenzük aser asaya tenzüker minute 24 tashi nung Ashish Kumar-i aniba Bulls teloki points 14-15 ajangzüka Panther telok den points 1 agi dang tajemba jenjang ngua asaya.
Ajisüaka, Panthers teloki minute 26 buba tashi nung points 17-16 agi Bulls telok den temaba jenjang ngua asayaba sülen tatem nung ajak agi points 24-22 agi Bulls telok madak takok nguadok.