Pro-Streax o Senapati na 16 buba NSF semifinal-i iogo

Pro-Streax o Senapati na 16 buba NSF semifinal-i iogo

Dimapur, October 10 (TYO): Pro-Streax United Dimapur aser Senapati Football Club Manipur nati tanü Honibar nü takok ngua tang tasayadak 16 buba NSF asayamong semfinal nung shilem agitsü jenjang nguogo.
Tanü mezüngbuba asaya nung Pro-Streax teloki goal 5-0 agi Nagabazar Youth Organization telok tsükdaktsü.
Pro-Streax asayar, Meren-i goal 10 tashi agüja tan asayamong nung goal timba agütsür asayar küma tanü asaya tenzüker minute 34 aser 43 buba na nung goal 2 tashi agüja tanü kanga junga shilem agi.
Külem asayar, Wapang, Zhapulhoukho aser Johan nungeria minute 35, 53 aser 59 nung goal ka ka agütsüba yong par teloki goal 5-0 agi tanü asayaji akok.
Par teloki Khulioh King Tuensang telok den semifinal nung tan October 13 nü ajuruteptsü.
Senapati telokia goal 2-1 agi Addax FC D. Khel Kohima Village tatembangbuba quarterfinal asaya nung tsükdaktsü.
Tanü asaya tenzüker minute 17 buba nung Nighatu-i goal 1 agüja par Addax telok temaba jenjang nung ajungkettsü.
Ajisüaka, Senapati asayar Sülünü-i asaya tenzüker minute 54 buba nung pa tekolak agi goal agütsüba yong par telok anaprongla kasa jenjang aküm.
Tesülen, extra time tenzüker minute 8 buba nung Senapati captain, Koveo-i goal 1 agütsüba yong par teloki semifinal nung shilem agitsü jenjang angu.
October 12 nü asaya
Exhibition match between ASU & NSF @ 10:30 am
Barak FC Peren vs Senapati FC Manipur @ 1:30 pm

You must be logged in to post a comment Login