Prodigal’s Home-i Volleyball asayamung ayonger

Dimapur, Mongputeni/October 24 (TYO): Integrated Rehabilitation Centre for Addict/Alcoholic (IRCA), Prodigal’s Home, Dimapur puri “Regaining Hope” omen nung ajemdaker Yimpoksüi/Nov 28 nungi 30 tashi Murise yimtsüng, Dhansiripar, Dimapur nung volleyball asayamung ka ayonger.
Iba asayamung ya lokti aser talisa lanurtem nem temesepba mozü aser yi ajemba ajanga timtem bener arutsüba indang osang agütsütsü aser iba den centre nung munga alirtem atema ambulance ka alitsü asoshi sen bendentsü nükjidong nung ayonger.
Asayamung nung shilem agitsü atema registrations form Kiran Sports, Church Road, Dimapur nung angutsü aser asayamung dak sendakba nung osang tejangja agitsü asoshi Centre Coordinator Number; 7005130293 nung tongtep rateptsü asoshi Coordinator, Apong Jamir-i sangdong ka ajanga metetdaktsü.