New Delhi, August 29 (Agencies): Yasüng tesü Indian Institute of Mass Communication (IIMC) senior Professor, K M Shrivastava alima nungi pilaogo. Pa arishi küm 63 liasü.
Pa IIMC-Jammu nungi Delhi tonga aruli Bhopal-i aotsü atema aoba mapang Nizammuddin Railway Station nung süchia ao. Iba sülen pa AIIMS Trauma Centre-i bener ao saka mekümzükteti asü.
Shrivastava ya IIMC nung küm 25 dak tema Professor inyaka aruogo.
Paisa Indian armed forces, paramilitary aser police tem nem special media sensitisation programme agüja liasü.
Kodanga kibong makümsang, Shrivastava-i tetsü den aianu pezü toktsür süogo. Pa tasümang rongtoktsü asoshi Bhopal-i bener ogo.
Professor K M Shrivastava alima nungi pilaogo added by asungba on
View all posts by asungba →
You must be logged in to post a comment Login