Project ka nung Sanjay Dutt o Ayush Sharma na longjemtsü

Luchii/December 02 (Agencies): ‘Loverati’ film nung Aayush Sharma-i mezüng tongti shilem agiba sülen sapurtemi pa indang tanabuba film ka yangludaktsütsü atema kanga yongyaa ataa arudar.
Osangtem ajanga angazükba agi, tanabuba film nung Salman Khan den külemi Aayush shilem agidaktsütsü atema jembia liasü. Ajisüaka, gangster film tuluka nungang Sanjay Dutt den külemi shilem agitsü asoshi Aayush Sharma-i tezüngzüktep agiogo, ta osang ajanga metetdaktsüogo.
Taruba underworld action thriller film ya Ahmed Khan aser Studio Five Elements na longjema produce asütsü. Film atema tanüngba cast osangtem takaraba nung film yanglurtemi sangdongtsü.
Sanjay Dutt, shiba tang kanga dang mazüngi Karan Johar indang ‘Kalank’ film nung shilem tagidak lir, pai taküm küm project kar nung takok tajung anguba ajaki jangjaa lir.
‘Kalank’ dak alaka, Sanjay-i Ashutosh Gowariker indang period drama ‘Panipat’ nung Arjun Kapoor, Kriti Sanon aser Padmini Kolhapure nunger den shilem tagidak lir.