‘Project Psaltery’-i Gospel Beat Contest takok angu

Kohima, October 02 (TYO): Lanurtem rongnung Khristar Osang tajung ken proktsü nükjidong nung Kohima Baptist youth Fellowship (KBYF)-i ‘Music to God’ omen nung Gospel Beat Contest ka ayongzüka September 30 aser October 1 nü Heritage, Old DC Bungalow, Kohima nung kaogo.
Iba Beat contest nung Nagaland nungi kentener telok ajak agi band 12-i shilem agi, aser parnok rongnung Final contest atema band 6 shima liasü.
Iba tetoktepba nung Chakhesang Baptist Church, Minister Hill, Kohima nungi ‘Project Psaltery’-i takok ngua senpet 25,000 den certificate aser Muza Production nungi free Music Video recording maongka angu.
Ano SABCK nungi ‘Headlines’-i tanabuba jenjang anser 4th NAP Baptist Church nungi ‘Radio City’-i tasembuba jenajng nung takok ngua liasü.
Temaba jenjang 6 nung shimba band ajaki parnok indang original ken atema Rewire Sound Recording Studio, Kohima nung angati audio recordings maongka angutsü.
Kasa tetoktepba nung jurila awards angurtemji Best Vocalist – We-u Akugha Mero (‘Aftershock’ Kuzhami CBC), Best Guitarist- Hito Swu (‘Headlines’ SABCK), Best Drummer- Dezo Thira (‘Project Psaltery’ CBC (MH), Kohima), Best Rhythm & Backup vocalist- Bejoy  Chetri  (‘Arcane Dreams’ Town BC Pfutsero), Best Keyboardist – Arile  Khalo  (‘Project  Psaltery’ CBC, MH  Kohima) aser Best Bassist- Razo Tenunu (‘Radio city ‘ 4th NAP BC) nunger liasü.
Iba tetoktepba nung tetendangertemji Tali Angh,  Mathung Odyuo aser James Basnet  nunger liasü.