‘Protection of Manipur People Bill, 2015’ agizükogo

Imphal, August 31 (Agencies): Tanü Manipur Legislative Assembly nung Protection of Manipur People Bill, 2015 agizükogo, iba dak alia House-isa amendment bill ana- Manipur Land Revenue & Land Reforms (Seventh Amendment) Bill, 2015 aser Manipur Shops and Establishments (Second Amendment) Bill, 2015 agizükogo.
Taoba Hokolbar nü Assembly nung liso nüburtem kümzüka alitsü indang Bill asem benoka liasü.
Tanü Assembly senden tenzükli State Chief Minister Okram Ibobi Singh-i Protection of Manipur People Bill, 2015 benoka liasü aser tanga bill anaji Revenue Minister Thoudam Debendra aser Labour Minister Irengbam Hemochandra nati benoka liasü.
Iba sülen senden nung Bill asemporonglaji agizükogo.
House nungsa Centre aser National Socialist Council of Nagaland (NSCN)-IM na tsüngda Yimjung Tezüngzüktep agiba pela agizüka telatetba ka agizük.
Senden nung iba telatetba benokba mapang Chief Minister Ibobi Singh-i, Manipur ya India tila ka lir aser northeast India nung yimjung asoshi Centre sorkar aser NSCN (IM) nati mera tasen agibaji ajaki pela agizüker, ta ashi.