Proxy tesayur putetra temerenshi alitsü: Mkg SDEO

Mokokchung, Mongputeni/October 11, 2019 (TYO): Mokokchung SDEO kübok tesayur temelen (proxy teacher) ayuba putetra idangyongjisa iba school nungji Head Teacher aser Teacher-In-Charge anema temerenshi agütsütsü, ta Hokolbarnü Mokokchung Sr. Sub-Divisional Education Officer (SDEO), Sademmongla-i sangdong ka ajanga tekümdangtsü metetdaktsüogo.
“School-tem ajak nung tesayurtem mapa inyakba anogo nung “külemi aruba aser senshiba” (arrival & departure) inyakyim liromedema benshitsüla,” ta kasa sangdong nung shia lir.
“Class takdang nung cell phone amshitsü khenyongi memelar aser school nung tesayurtemi school tanurtem dokani meyoktsüla aser moko aketba chiyungtsü school telungtet nung amshitsü khenyongi memelar,” ta Mokokchung Sr. SDEO-isa metetdaktsü.