Pua aliba shishilembar chiokogo

Dimapur, Aenjeti 20 (TYO): Rogonü (Hokolbar) anngdang 12:30 ako meta mejangjaba nisung kari MP Road, Dimapur nung shishilembar ka par dokan nungi puer ao, ajisüaka pa apuertem jagi kecha meyirutsüi chiokogo, ta police osang ka ajanga metetdaktsü
Dimapur police, PRO-i ashiba agi, iba nisungbaji süochi dokan kibur ka liasü aser pa anüngdang 12:30 ako meta sama aser pa koleni aoar shinagaia memeteti liasü; tesülen police-i CCTV noksa ajanga melung melemteti gari ka- Maruti swift car (AS01-9353) jangja.
Iba gari nungji nisung ana mener liasü aser gariji nikongdang 5:00 ako meta
Aoyimti junction nung sot. Nisung anaji arishi küm 23, Toki Achumi aser arishi küm 23 Khetoho Jakhalu na liasü aser tenaprong NSCN-IM nung liasü; tenati nisung apubaji nangzük aser nisungbaji Purana bazar tesem anasa chiok, ta metetdaktsü, ta police osang nungsa shia lir.
Tai tonglokja aliba nsiung ana den gariji East Police Station-i anir ogo aser iba dak sendakba nung ken o ka benoka maneni bushisüngdangdar, ta kasa sangdong nung shia lir.